بدايةً، أهنئكم جدًا على قبولكم. وأبارك لكم هذا الوصول لهذا الهدف العظيم اللي أغلبكم يفكر فيه من سنين والحمدلله ربّي ما خسر تعب ولا سهر ولا دراسة.الطريق الياي مو سهل، لكن يسوى. مو صعب، لكن يبيله أحد يتعب معاه، حاولت أنقل لكم تجربتي الخاصة في هالسنة من كل النواحي بالتفصيل لإني بيوم منالأيام كنت بمكانكم أحتاج أحد ينقلها لي بصورة تفصيلية دقيقة. هذه التدوينة كتبتها لدفعة ٢٠١٧ ونقلت لهم تجربتي الخالصة، وعدلت لكم عليها عشان تواكبالتغيّرات اللي صارت، وأهديها مجددًا لدفعتكم، وأتمنى من كل قلبي إن تستفيدون منها مثل ما استفادوا منها وايد طلبة من دفعة ٢٠١٧. ولو تبون تعرفون عن تجربتي بسنة أولى أكثر, هذي التدوينة كتبتها بخصوص هذا الموضوع بعد. أولى العتبات السّبع.
بعدها اخذوا نفس عميق, وبأجواء هادية ورايقة اقروا هالتدوينة بتركيز. أدري والله طويلة وايد بس حاولت إني أقسّم لكم إياها عدل بحيث لو ودكم تتخطون بارت وتروحون للي بعده في مسافات كبيرة بين الكلام وخليته على شكل فقرات بعيدة عشان عيونكم ما تتعب. وأبيكم تحطون ببالكم إن موضوعي هذا مبني على تجربتي الشخصية يمكن أنا غلط أو يمكن تجربتي ما تنطبق على البعض منكم, غرضها بشكل أساسي إن تشوفون خبرتي بس, مو إن تقتدون فيها 100% بالنهاية ترا السّر بالنجاح والتفوق بالجامعة هو فهمك لطريقتك الخاصة في الدراسة وترتيب أمورك.
أول شيء، بحط لكم آوتلاين التدوينة، لأنها حرفيًا مليانة تفاصيل وأشياء، ومابي أشتتكم، ف إذا حسيتوا إنكم مو مهتمين بجزء روحوا على طول للجزء اللي وراه
ملاحظة مهمّة بخصوص تقسيمة التدوينة: لأسباب تقنية بموقع المدونة اضطريت أخلي المدونة لجزئين بسبب طولها لأني أضفت جم بارت زيادة, فراح أكون بالجزء الأول أتكلم عن المواد والدراسة وجزء لأمور متنوعة ونصائح عامة.. أعتذر جدًا! حاولت بكل ما استطعت أخلي كل شيء بمكان واحد وبأكثر من كمبيوتر بس ما صارت كلش..
١- مصطلحات وأماكن مهمّة.
٢-اعتقاد خاطئ عن الانقلش بالكلية.
٣- مواد الكورس الأول وتتضمن: المواد ونبذة عميقة عنها، كل دكتور ونظامه، صعوباتها وطريقتي بدراستها.
٤- اخطائي اللي ندمت عليها.
٥-ملاحظات عامة تفيد مصلحة الدفعة
أما في بالجزء الثاني, راح يكون حديثنا عن:
أما في بالجزء الثاني, راح يكون حديثنا عن:
١- القرطاسية والأدوات اللي تحتاجونها في دراستكم
٢- الآيباد، واستخدامه بالدراسة
٣- نبذة بسيطة جدًا عن الكورس الثاني
٤- رسائل من طالبات من دفعة ٢٠١٧
️
٥- نصائح من القلب إلى القلب، وخاتمة
السنة التمهيدية تنقسم إلى ترمين: ترم أول، وترم ثاني، كل ترم مواده منفصلة تمامًا عن الترم الثاني. بسم الله نبدي.
مصطلحات وأماكن مهمّة ~
نوتة: السلايدات اللي يشرحها الدكتور وهي مصدر دراستكم الأول وأحيانًا الوحيد.
طقة: جم مرة درستوا النوتة، داش الامتحان جم طقة؟ يعني جم مرة درست النوت قبل الامتحان، طقيتها طقتين، يعني درستها مرتين
.
دورات: طلبة كبار وشطار بالمواد يشرحون لكم اللي ما تفهمونه، وايد مفيدين، بس لازم تعرفون حق منو تحضرون بالضبط وتحددون أولوياتكم لإنهم ياخذون منكم جهد ووقت.
قاعة 1-99: هذي بتقضون ثلاترباع سنة أولى فيها والربع الأخير بقاعة 1-108 يمها بالضبط.
بالنسبة لأرقام القاعات وأماكنهم فالموضوع بسيط جدًا! أول رقم "قبل الشرطة" يعني الدور, مثلًا قاعة 1-99 بالدور الأول, والرقم الثاني "99" يعني رقم الغرفة"
أقين, قاعة 4-04 يعني موجودة في الدور الرابع غرفة رقم 4. تمام؟
الريدنق روم: المكان اللي يدرسون فيه الطلبة، وفي مكتبات بثلاثة أدوار تقدرون تدرسون فيهم بعد.
اللوبي: نقطة التجمع والله صج ترجمتها نقطة التجمع أهو بيسكلي مكان يوقفون فيه الناس اللي ماعندكم محاضرات ولا شغل، مادري شلون أشرح.
كوبي سنتر: مكان تحت قريب من المشرحة "ادري فيكم
ادري فيكم تحبون هالسوالف" بس لا تستانسون مو وايد قريب بس بنفس المكان يعني نفس الدور" هذا تاخذون منه نوتكم وإذا في مذكرات وتشترون منه manual البراكتكل مال الكمستري، وتحطون فيه سمريات وشغلات حق بعض عشان اللي يحتاجهم يصورهم.
استراحة: موجودة بكل دور تقريبًا ماعدا الدور الأول. فيها غنفات ومخاد وطاولات حق اللي يبي ينام أو ياكل أو يدرس كيفكم. واستراحة الطب بالدور الأرضي, الصيدلة بالدور الثاني, المساعد بالدور الرابع.
كافتيريا: مايحتاج أعلمكم عن مكان الأكل في عندنا شركة اغذية يسوون مثل بوفيه، وفي مطعم ساندويتشات نفس نظام صبواي صارليسنتين ماعرف اسمه، وهالسنة بطلوا كاريبو
ولما تنزلون تحت لوبي الطب المساعد راح تلقون سكند كب ودانكن دونت، مليون مكان حق القهوة بس يبونكم تصحصحون
السكوير: يعني المربع، لا لا أتغشمر مكان مفتوح فيه طاولات وجذي تقعدون فيه تاكلون تسولفون تدرسون تسوون اللي تبونه، ويسوون فيه إڤنتات لما يصير الجو حلو، أكثر مكان أحبه بالكلية يشرح الصدر️.
وتقريبًا هذي أغرب المصطلحات
.
الإنقلش, عائق؟..
مو ضروري تكونون بلابل بالانقلش عشان تمشون بالكلية، مو شرط تعرفون وتفهمون كل شيء، مع الوقت بتكتشفون إن قدرتكم الاستيعابية قاعدة تزيد وقام تاخذون عالكلمات وتفهمون كل آكسنت يمر عليكم مهما كان غريب شوي شوي بتقدرون تتكلمون وتسئلونمع التعوّد، شوي شوي بتقرون صفحااات بدون ما تترجمون ولا شيء. أول شيء طبيييعي تترجمون وايد أشياء بعدين عاادي تمر عليكم نوتة ما تترجمون فيها ولا شيء. وايد ناس دشوا ما يعرفون يركبون جملة على بعضها وماشاءالله تخرجوا دكاترة، أنتو اللي تفرضوننفسكم واللغة ما هي إلا وسيلة للتواصل تتطور مع الوقت. إذا حييل ضعاف أنصحكم بالعطلة تقوون لغتكم بالأفلام والمسلسلات والكتب وغيره، كل واحد وشنو هوايته بس يدخل فيها إنقلش شوي، وتسوون تمارين محادثة، يعني لو تعرفون أحد شاطر بالانقلش كلموه، أو تعرفوا على ناس من النت وسولفوا معاهم، أو جذي حاولوا تقولون قصة أو سالفة بالانقلش وسجلوا صوتكم وأنتو تقولونها، شوي شوي بتشوفون إنكم قاعدين تتقوون. أنا بيوم من الأيام كنت أكثر شيء شايلة همه بالكلية هو اللغة واليوم أقولكم إنها أبدًا أبدًا مو عائق أمام أحلامكم والله️.
نبلّش الحين نتكلم عن الجد والدراسة
الترم الأول ما كان محبّب لقلبي للأسف، كان متعب ومنهك وغلطت فيه بوايد أشياء وسببت عوائق لنفسي وهذا من أحد أسباب كتابتي لهذهِ التدوينة، مابي أحد يغلط أغلاطي، وأبيكم تنتبهون لإن الكورس الأول سهل جدًا والله ما أبالغ لكم، بعد ما خلصته أقولكم إياها بكل صراحة إنه سهل. هني راح أتكلم عن المواد ونبذة عميقة عنها وعن كل دكتور ونظامه، صعوباتها، طريقة دراستي لكل منها.
بهذا الترم راح تاخذون ٥ مواد (إنقلش١٨١، كمستري، بيوفيزكس،كمبيوتر، مادة إختيارية)، بعد ما أخلص كل شيء بتكلم عن المواد الاختيارية بروح وبتعرفون ليش
.
CHEMISTRY ~
أحلى مادة، هالمادة تنقسم درجاتها إلى ٣ أشياء (ميدتيرم ، فاينل، لاب) عليها ٣ كريدتس، مهمة حق المعدّل نوعًا ما.
هالمادة جدًا محببة لقلبي واللي يتعب عشانها يلقى، بس جدًا تختلف عن الثانوي لإن الفهم فيها ٩٠٪ أكثر من الحفظ، المحتوى سهل جدًا ومفهوم وأغلبه إذا مو كله موجود بيوتيوب (قناة خان أكاديمي ممتازة جدًا للكمستري).
الكتاب عادي الأهمية، شرحه وايد حلو ويفهّم بس وايد يطول، بالنسبة لي استخدمته كذا مرة وفي ناس ما بطلوه ولا مرة وعادي يابوا درجات، مو شرط بس أنا كنت من النوع اللي أحب أفهم بعمق.
راح أتكلم عن بارت اللاب أوالبراكتكل لإنه أحلى شي بسنة أولى كلهااا! ببداية الكورس راح يقسمونكم لقروبات صغيرة، كل قروب ٢٠ تقريبًا، ويمسكونكم تيتشرز، باللاب راح تطبقون بعض الأشياء اللي خذيتوها بالنوت، حيل وناسة وتسوون كل شيء بروحكم من الألف لي الياء، البراكتكل يعلمكم وايد أشياء منها إن يثبت فهمكم وإن يخليكم تستمتعون بالتعلم والمادة وإنه يعلمكم شلون تكونون مسؤولين عن أدواتكم ونظافة مكانكم، لازم تلبسون لابكوت بكل مرة! ما يدخلونكم اللاب بدونه، وعقب كل براكتكل في كويز صغير وبسيط تسوونه متعلق بالتجربة عليه ١٪ من المادة، وراح تاخذون ٥ براكتكل ف توتل ٥٪ من المادة، كل كويز عبارة عن مادة unknown تطبقون اللي درستوه بالبراكتكل عشان تستنجون خواصها، مضمونين حيل وسهليين بس مو معناته محد ينقص فيهم، لازم تنتبهون.
الميدتيرم راح تدرسون فيه كمية سهلة جدًا ومتكررة معاكم بالثانوي وأساسيات الكمستري لا غير.
راح تدرسون عن الروابط الكيميائية، التهجين، الاحماض والقواعد، الغازات وقوانينها، قواعد الإتزان، لوشتالييه، المحاليل، وبداية فيالكيمياء العضوية، وجم شغلة ثانيين، كلها مواضيع مكررة خذيتوها بالثانوي بس بالإنقلش هالمرة اللهمّ لازم تشغلون مخكم شوي وتعتمدون على جانب الفهم مو الحفظ نفس أيام الثانوي لإن اللي يحفظ ويدش امتحان الكمستري ماراح إييب قريد، كمية الميدتيرم حسافة الواحد ما يطلع فيها بـA صراحةً أو A- عالأقل.
الكمستري ما كنت أحب أروح دورات وايد له، ومو أي أحد تحضرون له دورات كمستري! اللي نظامه يمشي عالنوت سلايدة سلايدة لا تحضرون له، روحوا حق اللي يعطيكم الكونسبت والأفكار والأسئلة.
الدكاترة اللي راح يشرحون لكم كمستري كمية الميدتيرم وشنو نظامهم:
١- د. جيمس، اللي راح يشرح لكم أغلب نوت الميدتيرم، هممم، مادري. حيل كيوت أهوا، بس شرحه ونوته بوادي وأسئلة امتحاناته بوادي ثاني. يركز حيل حيل عالفهم أكثر من الحفظ ومستحيل يسأل حفظ إلا بنوتة الأحماض النووية اللي بكمية الفاينل، إذا ما تبون تحضرون لهمو ضروري لإن حضوركم وعدمه واحد صراحةً.. بس تعجبني طريقة تفكيره بالأسئلة اللي يحطهم لإن صج يفرقون بين اللي فاهم واللي حافظ وهني يطيحون المستجدين
.
٢- د. داونسي، ناار، وايد حبّيت شرحه، والأمثلة اللي يعطيهم، ويقولكم جذي هذا لا تحفظونه، هذا خلوه عنكم، ماراح أسأل بهذا، وريال عند كلمته، حيل عجيب!
٣-د.أسامة، هذا حبيب سنة أولى️️️️ من أحسن الناس اللي يشرحون كمستري، يعطي وورك شوب بعد، أنصحكم تحضرون له، شرحه كلمة جبّار شويّ عليه! أنصحكم تحضرون له طبعًا وتنوتون معاه وترا يقولكم هذا مهم وهذا لا، ونوته جدًا مرتّبة وواضحة وسئلوه باللكجر ترا حييل يعطي ويه ويستانس وروحوله بالمكتب يشرح لكم أي شيء مو فاهمينه بأي نوتة حتى لو هو ما يشرحها ما يقصر
.
كمية الفاينل صعبة نوعًا ما لا تستهينون فيها أبدًا أبدًا لإنه يعتبر نقلة نوعية من البساطة اللي بكمية الميدتيرم إلى التعقيد وربط المعلوماتالمعلومات اللي راح تلاحظونه حيل.
كمية الفاينل تركز على الكيمياء العضوية+الكيمياء الحيوية، طلبة مدارس الحكومة جدًا متأسسين وبشكل قوي بالأولى لكن الثانية جديدة بالنسبة للكل.
الكيمياء العضوية راح يعطونكم نوت/ محاضرات تتكلم عن المجموعات الوظيفية والتفاعلات ووو.. كل شي راح يتكرر، وجم شغلة يديدة، يوتيوب راح يكون صديقكم الصدوق وتطبيقات الوورك شوبز مهمّين.
اللي راح يدرسونكم:
١- د.بينوڤ، أسئلته تعقد بالنسبة لـ٩٩٪ من الطلبة، ليش؟ لإنها فهم، مستحيل يسأل عن شيء حفظ بنوته! والناس داشين عبالهم العضوية حفظ ويلا لا أبدًا مو جذي نظامه، حضروا معاه ونوتوا كل كلمة يقولها لإن إييب من كلامه بأفكار امتحاناته! ركزوا، حتى لو صوته واطي بس ركزوا معاه وسئلوه ماراح يقصّر، راح يعطيكم كذا نوتة فاينل بالعضوية والحيوية، نوتة بروتينات وايد وايد ركزوا عليها.حلوين نوته لا تسمعون كلام التحبيط اللي عنهم!!
٢-د.جيمس أقين! هالمرة راح يعطيكم نوتين، واثنيناتهم حيوية، وحدة تتكلم عن الانزيمات (حيل تشوق
) ووحدة عن الاحماضالنووية (تشوق أكثر وأكثر) واسئلته بالفاينل ألطف من الميدتيرم بوااايد ومضمونة، وهالمرة نوته فيها جانب حفظ مو بس فهم ديروبالكم وحفظوا هالمرة.
٣- في عدد من النوت بالكمستري "تقريبًا ٥-٦"، كان يشرحهم دكتور وتوفى الله يرحمه، عشان جذي نوته توزعت على جم دكتور بالقسم.النوت حيل سهلين وبسيطين والكونسبت مالهم سهل وسلس، الدكاترة اللي امسكوا الشرح كانوا زينين حسب كلام جم بنت من دفعة ٢٠١٧، ف لا تحاتون. راح يكونون من النوت الداشة بكمية الفاينل.
٤-د.أسامة راح تشوفونه مرة ثانيةراح يعطيكم نوتة عن ترابط الفلزات مع بعض وجذي نوتة حييل سهلة حضروا معاه اللكجر ونوتوا وانتبهوا على شنو يركز وأضمن لكم تفولون أسئلته بالامتحان!️️
طريقة دراستي للكمستري
أحضر المحاضرات وأنوت، إذا ما فهمت شيء كنت أروح حق د. أسامة أو د.محمد الأنصاري وأسألهم ومايقصرون كلش، أحضر الوورك شوبز (صج ماعليهم حضور بس والله نصيحة حضروهم لإن مهمين حيل حيل، كنت أول شي أحضر مع أ.منى بستكي عجيبة بعدين لما بلشنا عضوية حضرت مع د.أسامة جبّاار شرحه، حضروا لو تبون مصلحتكم وتبون الـA). دورات ماحضرت إلا حق إيديوسوارم/ سلمان العتيبي كان يشرح معاهم وأتوقع بيشرح لدفعتكم بعد، شرحه وايد قوي بالكمستري ماشاءاللهوحق دفعة ٢٠١٧ في ناس من دفعتي "دفعة2016" شرحوا لهم هم يمدحون شرحهم، شوفوا عالعموم الكمستري مو مهم منو يشرح لأن والله جد يكفي شخص فاهم النوتة يوصل لكم الكونسبت، وأنا ما أأيد كثرة الدورات حق الكمستري بسبب كثرة المصادر اللي ذكرتهم شرح الدكاترة زين، عندكم وورك شوبز، اسئلة قديمة شكثر، وهمن د.محمد الأنصاري ود.أسامة ما يقصرون كلّش!️️والحمدلله ربّي منّ علي بدرجاتعالية بالكمستري
وطقة وحدة ترا ما تكفي! وهالشيء حق كل المواد مو بس الكيم! عالأقل طقتين أقل شي.، والأسئلة القديمة مهمة مهمة مهمة مهمة، لا تدشون امتحان إلا وأنتو حالين ملوت ٥ سنين قبل دفعتكم وايد يتكرر.
وطقة وحدة ترا ما تكفي! وهالشيء حق كل المواد مو بس الكيم! عالأقل طقتين أقل شي.، والأسئلة القديمة مهمة مهمة مهمة مهمة، لا تدشون امتحان إلا وأنتو حالين ملوت ٥ سنين قبل دفعتكم وايد يتكرر.
BIOPHYSICS ~
نفس الكمستري عليه ٣ كريدتس، أول شيء كنت ما أحبها وكنت استصعبه ووايد أخاف منها وكل يوم أبجي عند أمي منهابعدين شوي شوي حبيتها حييل، هالمادة الحلو فيها إنها مو معقدة وتنحب ولما تندرس عدل الواحد ياخذ حقه فيها من القريدات الحلوة.
الكتاب جدًا جدًا مهم وحاولوا من بداية السنة تشترونه من شويخ قبل ما يخلّص، ليش؟ لإن د.ليلى ود.علي شعيب اللي راح يشرحون لكم كمية ميدتيرم بعد كل نوتة بيحطون لكم جم سؤال هوموورك تحلونه، هذا لااازم وضروري تحلونه! ضروري ضروري ضروري، اسئلة الامتحانات وأفكارهم منهم. راح يكون عندكم مثل وورك شوب بس حق نوتة الفيزكس كل ما تلخصون منها، مثلا اليوم انشرحت لكم نوتة؟بنفس الاسبوع راح يدش عليهم تيتشر اسيستانت ويعطيكم فيها مسائل، لازم تحلونهم ضروري
كل أسبوع راح تاخذون محاضرتين فيزكس، المحاضرة الاولى تنشرح فيها النوتة، والثانية مسائل. بالنسبة للدورات، حضروا دورة أوثنتين لين يتثبت الحفظ والفهم.
عقب ما تخلصون المحاضرتين+تحضرون دورة. لازم الحين تدرسون النوتة بروحكم ، وتحلون كل مسائلها، الهوموورك وملوت الوورك شوب واللي يعطونكم إياهم بالدورات (مسائل خالد الراجحي عجيبة
، يعطيهم بدوراته). حلوا المسائل بإيدكم وتدربوا عليهم عدل!
اللي راح يشرحون لكم كمية الميدتيرم:
١- د.ليلى، راح تشرح ٣ نوت، أسئلتها حلوة بس بالفاينل يابت لنا جم سؤال يبيلهم ناس فاهمين مو حافظين، فركزوا وأهم شي حلواالهوموورك مالها واقروا تشابتر الكتاب اللي يخص محاضرتها، شرحها مو حيل حلو ما كنت أحبه ولا كنت أندمج بمحاضراتها، بس نوتها بالنسبة لي أحلى نوت بالفيزكس.
٢- د.علي شعيب، شرحه عجييييب! يخليكم تندمجون غصب، ومرات يكتب عالسبورة حتى، حرصوا انكم تنوتون معاه باللكجر القوانين اللي يضيفها وجذي، واسئلته بالامتحان كلها من الهوموورك والتتوريال وتتفوّل.
توتل نوت الميدتيرم ٧ نوت بس، درسوهم أول بأول لإنهم صج ٧ كرقم لكن محتوى كل واحد منهم عميق ويبيله فهم، أنا كان معدّل دراستيوقتها نوتة باليوم حتى لو طقة ثانية، كنت لازم أستوعب كل حرف وكل مسألة وكل فكرة.. درست عدل والله لكن تقديمي بالميدتيرم صج كان فوق الآڤرج الحمدلله لكن مو ذاك الزود مقارنةً بمستواي الأكاديمي.. ليش؟ بكل بساطة كنت خايفة، خايفة حييل لدرجة وقت الامتحان أكتب المسائل بالآلة الحاسبة غلط ومادري شنو بس الحمدلله على كل حال وفوّلت الفاينل وارتفع قريدي .
الميدتيرم عبارة عن ٤٠ سؤال والوقت حيل ضيّق بالنسبة لهم لإنهم عبارة عن مسائل، لازم تتدربون عدل عشان يكفيكم الوقت، ولا تسوونغلطتي وتخافون لإن يعني فكروا فيها بالعقل درستوا النوت والمسائل والكل شي صدقوني ماراح إييبون لكم شغلات من الفضاء وأنتو توكمسنة أولى.
نصيحة ثانية، إذا ما فهمتوا شيء لا تستحون تروحون وتسئلون الدكاترة بمكاتبهم، بس بليز يعني لا يكون سؤالكم غبي أو سطحي يبيّن إنكمصج مو دارسين النوتة ولا مستوعبين شنو قاعدين تسئلون أو عميق بزيادة ويعقّد وتدرون ماراح إيي بالامتحان بس يعني شوفونا شطّار،كونوا دارسين قبلها، لإن ترا اهما دكاترة مو مدرسين ثانوي فلازم تحترمون هالشيء، وهالشيء يمشي على كل المواد، بالعربي يعني لاتصيرون صيدات.
كميّة الفاينل راح يشرح لكم د.علي شعيب نوتة وحدة بس أو نوتة ونص، وباقي الكمية راح يشرح لكم د.علي بورسلي عن الـMRI أو الرنين المغناطيسي, يخرع صح؟ نفس شعوري أول ما عرفت
الفاينل ٦٠ سؤال، د.علي بورسلي بإيده ٣٠ سؤال، هالأسئلة تتفوّل وربّ الكعبة من كثر ما إهي عسل عسل عسل، اللهمّ يبيله تكونون حافظين النوت صامّينهم صمّ حتى الكلام اللي تحت الصور، نوت MRI عبارة عن ٦ نوت، أول نوتين مقدّمة عن العلماء وجذي، عادي لو تحضرون دورات لهم مع أحد أحد لإن مافيهم أفكار، أما الـ٤ نوت الباجينعميقين شويّ وشخصيًا حضرت دورات لهم مع عبدالعزيز عكرمة بس وشرحه كان حيل حلو ماشاءالله وفهمت منه كل شيء. وحق دفعة ٢٠١٧ حمد العوضي طالب من دفعتي الله يعطيه العافية شرح حقهم الـmri وكان شرحه حيل قوي، الكل من دفعة ٢٠١٧ استفاد منه وينصحون فيه
بالفيزكس بالذات روحوا حق كل شخص تحسون ممكن تستفيدون منه لإن الفهم مطلوب جدًا ولإن الفايدة بالمحاضرات فقيرة للأسف.
الفاينل ٦٠ سؤال، د.علي بورسلي بإيده ٣٠ سؤال، هالأسئلة تتفوّل وربّ الكعبة من كثر ما إهي عسل عسل عسل، اللهمّ يبيله تكونون حافظين النوت صامّينهم صمّ حتى الكلام اللي تحت الصور، نوت MRI عبارة عن ٦ نوت، أول نوتين مقدّمة عن العلماء وجذي، عادي لو تحضرون دورات لهم مع أحد أحد لإن مافيهم أفكار، أما الـ٤ نوت الباجينعميقين شويّ وشخصيًا حضرت دورات لهم مع عبدالعزيز عكرمة بس وشرحه كان حيل حلو ماشاءالله وفهمت منه كل شيء. وحق دفعة ٢٠١٧ حمد العوضي طالب من دفعتي الله يعطيه العافية شرح حقهم الـmri وكان شرحه حيل قوي، الكل من دفعة ٢٠١٧ استفاد منه وينصحون فيه
بالفيزكس بالذات روحوا حق كل شخص تحسون ممكن تستفيدون منه لإن الفهم مطلوب جدًا ولإن الفايدة بالمحاضرات فقيرة للأسف.
واللي يحب يزيد فهمه للـmri هذا واحد يشرحهم بيوتيوب، حفظوا اللنك عندكم للزمن
الفاينل وايد أسهل من الميدتيرم للي دارس وشاد حيله لدرجة إنه ممكن حيل يتفوّل.
COMPUTER ~
أكره هالمادة، آسفة يمكن لازم هالتدوينة عشان تشجعكم لكن فعلًا والله ولا مرة حسيت بحب أو ذرة اهتمام تجاه هالمادة بس جذي همّ عالقلب وداشة عرض، الحلو إن نوت الميدتيرم ثنتين بس ووحدة بس جذي مقدّمة لازم تدرسون منها سلايدتين، والفاينل زيدوا عليهم نوتين بعد.
المادة فيها جزئين: نظري وعملي (براكتكل).
النظري عمومًا يشرحه دكتور واحد، النوت تتكلم عن وايد أشياء جذي داشة ببعضها، أحسن شيء فيهم إنهم مو وايد. طبعوهم ملوّن موتصوير أبيض بأسود! لإنه يحط وايد graphs فيصير شكل النوتة خايس ويضيّق الخلق لو أبيض وأسود. نوته تحتاج ترجمة أحيان لإن ينتقي كلمات مادري شلون. نوتوا معاه باللكجر أو حاولوا. مشكلته حتى لما تسئلونه ما يبرّد الجبد بالجواب، شرحه مو حيل حلو، بس حضروله شوفوا شنو يبي منكم بالضبط.
بالنسبة للعملي؛
كمية الميدتيرم العملي ماراح ينشرح لكم راح يعطيكم رابط فيه فيديوات تعليمية عن بعض برامج مايكروسوفت وراح يحدد لكم مهارات معيّنة يبيها بالامتحان.. ودي اقولكم سهالات بس بالنسبة لي كان همهم هم
شوفوهم مبجر لا تأجلونهم.
والفاينل راح تبدون تنزلون مختبرات pc labs
تحت ويدربونكم مدرسّين على شغلات ثانية (شلون تقرون بحث طبي وتطلعون منه المهم-شلون تبحثون عن مقالات طبية-الخ) وعملي الفاينل مو داش فيه عملي الميدتيرم.
تحت ويدربونكم مدرسّين على شغلات ثانية (شلون تقرون بحث طبي وتطلعون منه المهم-شلون تبحثون عن مقالات طبية-الخ) وعملي الفاينل مو داش فيه عملي الميدتيرم.
بالنسبة للامتحان، الامتحان سواء فاينل أو ميدتيرم بيكون مقسّم حق قسمين:
قسم نظري أسئلة MCQs
من النوت ومرات من الفضاء على كيفه -واضح حيل حاقدة- الساعة ١ ومدة الامتحان ساعة.
من النوت ومرات من الفضاء على كيفه
قسم عملي.
عقب ما تخلصون راح يقسمون الدفعة جزئين، جزء ينزل تحت الساعة ٢ لي ٣ يمتحن عملي، وجزء من ٣ لي ٤، المهم إن كل جزء امتحانه ساعة. بالميدتيرم لازم تخفّون إيدكم+تسيڤون كل شيء تسوونه، بساعة لازم تسوون جم مهارة ب٤ برامج تقريبًا فلازم تكونون سريعين ومتدربين.، والسرعة أيضًا مطلوبة بالفاينل.
عقب ما تخلصون راح يقسمون الدفعة جزئين، جزء ينزل تحت الساعة ٢ لي ٣ يمتحن عملي، وجزء من ٣ لي ٤، المهم إن كل جزء امتحانه ساعة. بالميدتيرم لازم تخفّون إيدكم+تسيڤون كل شيء تسوونه، بساعة لازم تسوون جم مهارة ب٤ برامج تقريبًا فلازم تكونون سريعين ومتدربين.، والسرعة أيضًا مطلوبة بالفاينل.
الحلو إن المادة عليها كريدت واحد بس؛ يعني حتى لو يايبين فيها D ماتأثر بالمعدّل كلش كللش وحتى لو يايبين فيها A ماكو فايدة، هذاالجانب المريح. درجتي بهالمادة كانت زينة بس الله يهداني لو حابة المادة جان يبت أعلى.
طريقة دراسة المادة: الحضور أولًا, وهالشي لسببين. عشان تعرفون الدكتور شنو يبي منكم بالامتحان وعشان أهو لما يشوف الدفعة حاضرة ومتفاعلة راح يحبها وممكن يعطيكم أسئلة الامتحانات (يمكن؟). ثانيًا دورااات. مهمين حيل. على دفعتي نسيت منو شرح لنا بس كان في واحد من دفعتي (دفعة 2016) الله يعطيه العافية اسمه يوسف السالم كان مسوي summary حق النوت, وأغلبنا إذا مو كلنا درسنا منه, كان وايد زين وكان شامل لكل شيء لنقاط بالنوت وأمثلة قالهم الدكتور باللكجر. وعلى دفعة 2017 قام يشرح لهم كمبيوتر, وغالبًا راح يشرح لكم بعد. وأهو يعطي دورات غير الكمبيوتر, يعطي فيزكس كمية الميدتيرم وكمستري بعد. شرحه يمدحونه, روحوله لما تقرون اسمه إنه اللي بيعطي الدورات لما ما تكونون فاهمين النوت
طريقة دراسة المادة: الحضور أولًا, وهالشي لسببين. عشان تعرفون الدكتور شنو يبي منكم بالامتحان وعشان أهو لما يشوف الدفعة حاضرة ومتفاعلة راح يحبها وممكن يعطيكم أسئلة الامتحانات (يمكن؟). ثانيًا دورااات. مهمين حيل. على دفعتي نسيت منو شرح لنا بس كان في واحد من دفعتي (دفعة 2016) الله يعطيه العافية اسمه يوسف السالم كان مسوي summary حق النوت, وأغلبنا إذا مو كلنا درسنا منه, كان وايد زين وكان شامل لكل شيء لنقاط بالنوت وأمثلة قالهم الدكتور باللكجر. وعلى دفعة 2017 قام يشرح لهم كمبيوتر, وغالبًا راح يشرح لكم بعد. وأهو يعطي دورات غير الكمبيوتر, يعطي فيزكس كمية الميدتيرم وكمستري بعد. شرحه يمدحونه, روحوله لما تقرون اسمه إنه اللي بيعطي الدورات لما ما تكونون فاهمين النوت
ملاحظة مهمة: الفاينل يكون أسهل من الميدتيرم لان الدكتور يكرر اسئلة من الميدتيرم فيه، ف استغلوا هالشيء وحاولوا تجمعون اسئلة الميدتيرم كثر ما تقدرون، وبتسوون زين إن شاء الله
ELECTIVE ~
أو المادة الاختيارية. نظام غير ثابت ويعتمد على دفعتكم، بس بقولكم اللي أعرفه:
النظام القديم كان إن كل كورس ينزلون الثلاث مواد، حقوق يكون الساعة٨، مسؤولية وميديا الساعة٩، وأنتو تختارون اللي تبونه.
دفعتي شنو سووا فيهم؟ مانزلوا مسؤولية أول كورس، فكان فيه شعبتين حقوق شعبة ٨ وشعبة٩ كل شعبة دكتور غير، ونفس الشيءالكورس الثاني شعبتين مسؤولية وحدة٨ ووحدة٩ بس هالمرة الأثنين نفس الدكتور. وكان في ميديا (مادة اختيارية بالانقلش).
دفعة ٢٠١٧ سووا فيهم نفس الشيء، الكورس الأول حقوق انسان والثاني مسؤولية، وما كانوا حاطين لهم مادة اختيارية بالانقلش، بس كانوا دكاترة المادة يراعون طلبة المدارس الخاصة بجم شغلة.
الدكتور على كيفه يقسّم الدرجات وجذي حرفيًا كل شيء بإيد الدكتور، سمعوا كلامه وصمّوا الكتاب وامتحنوا
الميديا "هالكلام بيفيدكم في حالة نزلوا لكم المادة"
ماعندي فكرة عنه صراحةً بس قالولي المادة مليقة شوي بس في اعتقاد إن الميديا لإنها بالإنقلش ف أحسن شيء يدخلونها الإنقلش سكولرز، وهالشيء غلط، وايد ناس من حكومة ما يحبون الحفظ الوايد اللي بالمواد العربية (لإن صج قرقة وحفظ وايد) ف دشوا ميديا وخذوا درجات عالية ماشاءالله فهذا اعتقاد خاطئ تمامًا❌.
ثاني اعتقاد خاطئ بس مو قصدي فيه التحبيط؛ إن المواد الاختيارية مواد سهلة ومضمون فيها الـA. غلط غلط غلط وأنا طحت بهالفخ! إهي بيسكلي تعتمد على حظكم مع الدكتور، ونظام اسئلته، وطريقة توزيع درجاته. والمواد مو سهلة كلش ولا بسيطة، أنتو بتدرسون كتب يدرسونها طلبة حقوق من الجلدة لي الجلدة مع بعض الأشياء الملغية، يعني مو تخلون له يوم واحد! ترا ما يكفي.
مرة ثانية: كلامي موللتحبيط بس عشان تشدون حيلكم وتسوون كل اللي عليهم وتبذلون أسبابكم دايمًا️.
مرة ثانية: كلامي موللتحبيط بس عشان تشدون حيلكم وتسوون كل اللي عليهم وتبذلون أسبابكم دايمًا
أخيرًا بتكلم عن الإنقلش، هذا راح يكون الحديث عنه مطول ومفصّل أكثر، ليش خليتها آخر شي؟ لإن هالمادة بصوب وكل مواد سنة أولى بصوب، وأكثر مادة تلعب بالمعدّل، ومقسّمة درجاتها لعدة أشياء ومحتاجين تضمنون كل بوينت عشان ما تييبون قريد نازل وينخسف معدّلكم، بهالمادة لو أنتو لنفرض إنكم يايبين بكل المواد straight A's بس يبتوا فيها B راح تفرق وايد وايد بمعدلكم. كلامي عشان أخوفكم؟ لا، لإن مابيكم لما تبدون المادة وتشوفون أقسام المادة سهلة ويصير فيكم سهل مو لازم ندرس كل يوم، لاا بالعكس.
الانقلش أكثر شيء يعتمد على ٣ شغلات، راح أذكرالأهم ثم المهم.
أولًا: عليكم وعلى اجتهادكم وجهدكم اللي تبذلونه وعدم اهمالكم، هذا اللي يفرق. عادي بنت ألف مستواها وايد أقل من بنت باء بس ألف تييب A وباء تييب B بسبب اجتهاد الأولى واهمال الثانية.
ثانيًا: مدرسكم وقواعده اللي لازم تتبعونها وتسوون اللي يقول عليه، حتى لو what he or she says does not make sense to you سووا اللي يقولونه، لا تعاندون، كسبوا مدرسينكم من البداية بتعاملكم واهتمامكم حتى لو كان مدرس محد يحبه ويتقبله بتكونون جدًا راضين عنه وعن تعامله معاكم، ومالكم شغل بكلام أحد والناس اللي فوقكم واللي كبركم عن مدرسينكم! انتو اكتشفوا شخصياتهم بنفسكم واتبعوا قواعدهم واحترموهم وعطوهم الانتباه بالكلاسات وبتشوفون شلون بيميزونكم ويساعدونكم حتى لو كان طبعهم ممل-جاف-قاسي-إلخ. ضروري تعرفون سايكولوجية مدرسينكم وتكسبونهم بالتعامل الحلو من البداية❤️.
ثالثًا: مستواكم باللغة الانجليزية، وبناء على ذلك كمية اجتهادكم. مثلًا لو وحدة يايبة بقدرات الانقلش درجة ٧٠ مثلًا لازم تشد حيلها أكثر من اللي يايبة ٩٠ وفوق، ضروري أساسياتكم تكون قوية وتأسيسكم باللغة صح، صح يقولون ما يفرق وهذا انقلش طبي بس ترا يظل انقلش!!! لازم يكون عندكم حصيلة لغوية ومرونة باستخدام الاساليب والكلمات وغيره. إنزين إحنا مستوانا مو ذاك الزود بالانقلش شنسوي؟ بسيطة. شدوا حيلكم من البداية ودرسوا عدل القرامر، اشتروا كتاب قرامر اللي بيقولون لكم عنه وكل يوم اقروا منه شوي، درسوا الـgeneral vocab من البداية، واستخدموا ترجمة من انقلش إلى إنقلش عشان تتقوّون، لإن والله هالمادة تلعب لعب بالمعدّل والمشكلة إن بإيدكم مليون شيء تسوونه عشان تييبون قريدات عالية ف حاولوا تسوونهم من البداية يعني حساافة لو ما شديتوا حيلكم، وتذكروا إن it's never too late to be good at English ❤️.
شنو لازم تسوون؟ لازم تحضرون كل كلاس+تتدربون كل يوم بالبيت حق الرايتنق (كل يوم كتبوا فقرة وشوفوا أغلاطكم)+تسوون reading & listening كثر ما تقدرون وتستغلون وقت الكلاس لما يسوون معاك مو تلعبون بفوناتكم+ تنوتون مع التيتشر بالكلاس+تدرسون فوكب عدل عشان تفولونه وتضمنون ال١٠٪ مالته+تراجعون القرامر بشكل دوري حتى لو أنتو أصلًا شطار بالإنقلش.
تقسيمة المادة كالتالي؛
١-فوكب، ١٠٪ من المادة.
راح يعطونكم كتاب لازم تدرسونه بروحكم، لو تقدرون درسوه بالصيف وارتاحوا منه، سهل حيل تحفظونه حفظ ونفس الاسئلة تيي بالامتحان؛ وراح يعطونكم لستة كلمات general vocab هذي اللي يكون فيها صعوبة بالامتحان فدرسوهم من البداية وحفظوا الـdefinitions ملوتهم مو معناهم بالعربي!! ديربوبالكم.
راح تمتحنون امتحانين فوكب؛
كل امتحان عليه ٥٪، واللي تمتحنون فيه بأول امتحان خلاص مو داش بثاني امتحان (أحلى شي😋).
مو سهل يتفوّل بسبب الـgeneral vocab لكن حاولوا ما تغلطون أكثر من غلطتين أو ٣ ماكسمم.
٢-قرامر، ٥٪ من المادة، راح تمتحنون قرامر مع ثاني فوكب، طريقته غريبة شوي، يعطونكم ١٠ جمل تمام؟ كل جملة يحطون على ٤ أشياء منهم خط A B C D وآخر شي لما تخلص الجملة يحطون E- correct يعني الجملة مافيها ولا غلطة، فلازم تنتبهون، لان في احتمال يكون في غلط بالجملة (بواحد من الـ٤ أشياء اللي حاطين تحتهم خط) واحتمال هم تكون صح فلازم تصيدونها👌🏼.
٣-رايتنق، ٣٠٪ من المادة، بس لا تحاتون مو كلهم مع بعض😂
بقولكم شغلة، منهج الانقلش عمومًا مقسّم لـ٣ فصول
-أول فصلprocedure يعني مثلًا جراحة أو شيء يتكلمون عنه ويشرحون خطواته، وهذا تسوون عليه رايتنق عليه ٥٪ بس لإن توكم بالبداية ومو متعودين، سهل حييل.
-ثاني فصلdefinition يعني يشرح مرض معين واعراضه وعلاجه وتشخيصه واسبابه، ومن هالكلام، تكتبون عليه فقرة وعليه ١٠٪، سهل بعد ❤️❤️.
-ثالث فصل اسمه compare and contrast نفس ثاني قسم بالضبط لكن الفرق انكم هالمرة تتكلمون عن مرضين مو مرض واحد وتقارنون بينهم وجذي بكلمات معينة عشان جذي يمكن يعتبر هذا أصعب واحد بس يعطونكم له وقت وايد تتدربون فيه.
راح يدربونكم على كل شي بالرايتنق، صدقوني احنا مثلكم بيوم ماكنا عارفين شي ومخترعين والحمدلله دشينا وتدربنا وصرنا زينين حيل👏🏼 حرصوا كل يوم تكتبون رايتنق وتقارنونه بالmodel paragraph وتخلون اللي يدرسكم يصلح لكم، لو ما يرضى طلبوا منه بأسلوب حلو hello Ms/Mr. (....) Could you please take a look at my paper and correct it? ودايمًا طلبوا منهم نصايح بخصوص اللي تكتبونه لإن بالنهاية أهما اللي بيصلحون لكم أوراقكم وهم أدرى بمستوياتكم.
لو رضوا رضوا وإذا ما رضوا ميخالف تقدرون تعتمدون على نفسكم أو تخلون رفيجاتكم يصلحون لكم لو كانوا شطار بالرايتنق.
تدربوا وحسبوا حساب كل شي سبلنق آرتلكز كل شي كل شيء ومو يصير فيكم هذا عليه شوية عادي، أنا وحدة كل أغلاطي كانت هالأشياء السخيفة وحتى التيتشرز كانوا يعصبون مني لإني لولاهم جان مفولة الرايتنق😂، وصدقوني بتسوون وايد زين والله👏🏼.
٣-midterm and final عليهم 55%
راح يكونون بمهارتين، reading and listening
نبلّش بالريدنق.
الريدنق كلش كلش مو نفس مال الثانوي، المقالة تكون طبية وتكون اما procedure, definition, compare and contrast مو شي برا عنهم، وعدد الاسئلة كبير (١٨ سؤال) فلازم تحلونهم كلهم بوقت ٤٥ دقيقة تقريبًا أو أقل وهالشي بتتمكنون منه من خلال التدريب المكثف (حطوا تايمر وحاولوا تخلصون فيه) وتقدرون تبلشون بهالشيء من العطلة. طريقتي بالحل كانت إني أشوف الأسئلة وأدور على أجوبتهم بالفقرة لإن لو بتقرون الفقرة اللي عبارة عن صفحتين أو أكثر بيضيع وقتكم، كلش مو نفس الثااانوي. وآخر ٥ اسئلة بالفقرة دايمًا أحلهم اول شي عشان أضمنهم، وهم عبارة عن اسئلة هالضمير يشير حق أي كلمة/شنو أقرب معنى حق هالكلمة/شنو ضد هالكلمة/ حيل سهلين ومضمونين ف بلشوا فيهم وبعدين شوفوا الباجي، ولا تغيرون إجاباتكم إلا لو كنتوا ١٠٠٪ متأكدين!! بليز لا تغيرون إجاباتكم!!
اللسننق؛ حيل حيل سهل ومضمون ويتفول غالبًا، يقرون عليكم موضوع (ايضًا يكون واحد من ال٣ مواضيع) ولازم تكتبون *كل شيء* يقولونه، ويردون بعدين يقرونه مرة ثانية، بعدين يقرون عليكم الأسئلة (١٢ سؤال) كل سؤال مرتين، والاختيارات تكون مطبوعة عندكم ف تختارون، سهل تحلونه لو انتو كاتبين كل شيء لو أغلب الاشياء👏🏼.
طريقتي باللسننق كانت: بأول قراءة أكتب كل شيء بلون اسود مثلًا، وبثاني قراءة أضيف الأشياء اللي نسيت أكتبها بلون ثاني أحمر مثلا. (مرات ترا ما يمدي تكتبون كل شي على طول روحوا عند النقطة اللي وراها لاا تعلقون عشان ما يضيع عليكم وايد كلام)، بالامتحان كنت أستخدم وايد صفحات كل صفحة فيها فقرة، عشان ما يدش الكلام ببعضه.
الميدتيرم عليه ١٥٪ من المادة، طبيعي لو نزلتوا فيه لا تتحبطون، أنا يبت فيه أقل درجة بكل الامتحانات اللي امتحنتهم بالانقلش😂 وبعدها قام مستواي يزيد لإني تدربت أكثر وصدت نظام الأسئلة لين وصلت مرحلة إني أفوّل الامتحان الحمدلله👌🏼.
الفاينل مصيري، عليه ٤٠٪ من المادة، ممكن طول الكورس ما تكونون نازلين حيل وبالفاينل تغلطون وايد وتييبون قريد نازل، الفاينل بشكل عام ما إيي سهل ومباشر ويبيله تركيز لإنهم يبون يصيدونكم، اللي لازم تسوونه إن يومها تكونون مروقيين وتدشون القاعة واثقين من نفسكم مبتسمين وتضحكون عشان تدشون جو مع الأسئلة. الفاينل راح يتكون من ٣ اقسام، ريدنق ولسننق، وآخر شي ١٠ اسئلة writing application نفس فكرة القرامر لكن الفرق إنهم يحطون لكم آوتلاين فيختبرون فيكم مهارتين (الرايتنق+القرامر) لو أنتو شاطرين بهالمهارتين راح تييبون فيه وايد وايد زين، وأيضًا راح يدربونكم على كل شيء بالكلاس لاا تحاتون😍❤️.
أخطائي بهذا الكورس ~
مثل ما وعدتكم بتكلم عن أخطائي بهالكورس عشان تتفادونهم وعشان محد يكررهم.
١-ماكنت أدرس أول بأول بالبداية؛ فكليتها قبل الميدتيرمز، مع إني لما فكرت فيها كان عندي الوقت وكل الوقت إن أدرس بس أنا كنت عايشة جو التعبانة والخايفة اللي ماااله داعي، لا تسوون نفسي وإذا أحد منكم صايرله جذي خل يدش يكلمني عشان أزفه وأعطيه محاضرة.
٢- كنت خايفة طول الوقت وأحاتي، لايك سيريسلي حصه؟ شنو يخوف؟ ماافي شي يخوّف والله. امتحانات الكورس الأول لما أفكر فيها استوعب إنها كانت پيس أوف كيك، سهلين حيل.
٣- كنت أضغط على نفسي وكنت حاطة ببالي إني لازم أقعد بالكلية أدرس لين الساعة ١٠ بالليل عشان أييب زين لإني ماراح أقدر أدرس بالبيت. درسوا بالكلية أو بالبيت، بالمكان اللي يريحكم ويخليكم تركزون وما تضيعون وقت. ولا تضغطون على نفسكم حيل لأن صحتكم النفسية لازم تكون فوق كل شيء.
٤- كان عبالي إن مهم أحضر كل دورة، هالكلام أيضا كان وقت الميدتيرمز بس، لحدّ ما وقت الفاينل ما كنت أحضر إلا حق الفيزكسوالكمستري درسته بروحي إلا نوتين سجلت مع إيديوسوارم وحضرت لهم دورات لإنهم كانوا شويّ يبيلهم فهم وجذي (منهم نوتة البروتينات اللي قلت لكم عنها)، والكورس الثاني ما حضرت دورات إلا حق جم شغلة بس، أحسن شي الاعتماد عالنفس، وحجي قوقل موجود، وحبيب القلب يوتيوب نفس الشيء، والكتاب صديقكم، والدكاترة موجودين بمكاتبهم روحولهم بالساعات المكتبية ملوتهم أو إذا تستحون دزولهم إيميلات.
٥-كنت وايد شايلة هم هالفاضي ونظامي إما A أو بزعل بس يعني فلّيتها شوي عقب الكورس الأول، وروّقت أكثر، وأدائي صار أحسن بالامتحانات.
٦- لا تغيرون إجاباتكم بالامتحانات! بالإنقلش كنت أغيّر إجاباتي بالريدنق بعدين اكتشف إن درجاتي مو حيل توب، آخر شي بانقلش ١٨٢ بالكورس الثاني قلت مستحيل أغيّر إي إجابة إلا لو كنت ١٠٠٪ متأكدة وصرت أييب عالي وايد! أهما دايمًا جذي طريقة الاسئلة تبي تصيدكم، ف ثقوا بأول إجابة ولا تشككون بنفسكم. وكل المواد الثانية: لا تغيرون فيها إجاباتكم، من أول مرة حلوا عدل وفكروا أو شيروا بمنطق وبعدها خلاص لا تغيرون.
ملاحظات مهمة وتهم مصلحة الدفعة ~
١-سجلوا المحاضرات بأجهزتكم بدون ما الدكاترة يدرون! ترا ممنوع ممنوع ممنوع.
٢- لا تورون الدكاترة الأسئلة القديمة والتفاريغ!!! وإلا ترا يعصبون عليكم ويغيرون الأسئلة على حظكم، سمعنا وايد قصص عن غباء ناس راحوا يسئلون الدكاترة بأسئلتهم القديمة ف صعبوا الامتحانات على دفعتهم، شيء بسيط مو محسوب حسابه جذي ضر بالدفعة،ف ديروبااالكم.
٣- بالنسبة للحضور. اجباري اجباري اجباري ما عدى جم شغلة بسيطة يقولون لكم عنهم. ولو تعديتوا ساعات غياب معينة "٢٠٪ منالمادة" تنحرمون من الفاينل وتاخذون FA ف مو تتهورون! عندكم حلين، إما إن تداومون كثر ما تقدرون عشان إذا احتجتوا تغيبون، أو تخلون أحد يوقع لكم (بس ما أفضل لإن ما يجوز، وفي شبهة دينية، ف ديروا بالكم) ؛ ولو سويتوها لا يشوفونكم الدكاترة وأنتو توقعون لبعض. ترا فيها مشكلة كبيرة
.
وجذي البارت الأول من مدونتكم يخلص. وهذا الجزء الثاني منها للي وده يكمل
دليلك للسنة التمهيدية في كليات مركز العلوم الطبية (طب بشري - طب أسنان - صيدلة) - دفعة 2018 ~ الجزء الثاني
-وعادي تكملون عشان خاطري؟❤️ لأن أغلب الزيادات والاضافات المهمة في الجزء, وأكون شاكرة لكم جدًا!-
دليلك للسنة التمهيدية في كليات مركز العلوم الطبية (طب بشري - طب أسنان - صيدلة) - دفعة 2018 ~ الجزء الثاني
-وعادي تكملون عشان خاطري؟❤️ لأن أغلب الزيادات والاضافات المهمة في الجزء, وأكون شاكرة لكم جدًا!-
please feel free to ask me anything you need, and you can contact me via
twitter: @ishiho_ and
حصّه
الأحد ٨ يوليو ٢٠١٨
٢:١٢م
ليست هناك تعليقات:
إرسال تعليق